Samarqand viloyati Ichki ishlar boshqarmasida Ichki ishlar vaziri o‘rinbosari general-mayor Davron Nazarmuhammedov ishtirokida joriy yilning 6 oyi davomida amalga oshirilgan ishlar, yo‘l qo‘yilgan kamchiliklar muhokamasiga bag‘ishlangan yig‘ilish o‘tkazildi
Samarqand
viloyati Ichki ishlar boshqarmasida Ichki ishlar vaziri o‘rinbosari general-mayor
Davron Nazarmuhammedov ishtirokida joriy yilning 6 oyi davomida amalga oshirilgan
ishlar, yo‘l qo‘yilgan kamchiliklar muhokamasiga bag‘ishlangan yig‘ilish o‘tkazildi.
Tadbirda Boshqarma
boshlig‘i polkovnik Rahmat Mamatov, IIB boshlig‘ining
o‘rinbosarlari, barcha sohaviy xizmat rahbarlari, shahar-tuman ichki ishlar bo‘limlari
boshliqlari, ularning o‘rinbosarlari, bo‘linma boshliqlari hamda tegishli mutasaddi
xodimlar ishtirok etdilar.
Yig‘ilishda boshqarma boshlig‘ining birinchi o‘rinbosari tomonidan
o‘tgan olti oy davomida viloyatda jinoyatchilikni jilovlash, huquqbuzarliklarga
qarshi kurashish, jamoat tartibini saqlash, yo‘l-harakati xavfsizligini ta’minlash
borasida amalga oshirilgan ishlar
yuzasidan hisobot berildi.
Jinoyatchilikning ayrim turlari oshgan hudud mutasaddi rahbarlariga bu
borada amalga oshirilishi lozim bo‘lgan tadbirlar xususida ko‘rsatma hamda topshiriqlar berildi.
Tadbirda Vazir o‘rinbosari so‘zga chiqib, korrupsiya va ta’magirlikka yo‘l qo‘ymaslik, xizmat intizomi va qonuniylikka rioya qilish borasida qat’iy talab va topshiriqlarni yetkazdi.
Tadbir yakunida viloyat
hududida jamoat tartibini saqlash, fuqarolar xavfsizligini ta’minlash, jinoyatchilikni
jilovlashda hamkasblariga har tomonlama o‘rnak bo‘layotgan bir guruh xodimlar hamda
yoshlarga o‘z tajribalarini o‘rgatib kelayotgan soha faxriylari munosib e’tirof
etildi.
Ularning bir guruhiga
viloyat Ichki ishlar boshqarmasining tashakkurnomasi va qimmatbaho esdalik sovg‘alari
topshirildi.
