5 Avgust 2024 yil
1237
Islomjonga bugungi bellashuvda omad va zafarlar tilaymiz!
Bugun Parij Olimpiadasi doirasida sport kurashlari bellashuvlariga start beriladi.
Unda 60 kg. vazn toifasida Samarqand viloyati IIB xodimi Islomjon Bahromov gilamga chiqadi.
Bahromov uchun bu faoliyatidagi debyut Olimpiada bo‘ladi.
Islomjon Belgraddagi Jahon chempionatida bronza medalini qo‘lga kiritish asnosida Parij Olimpiadasi yo‘llanmasiga ham ega chiqqan edi.
Islomjonning natijalariga to‘xtalsak, u Jahon chempionatining bronza medali sohibi, Osiyo chempioni va ikki karra bronza medali sovrindori hisoblanadi.
Bellashuv Toshkent vaqti bilan 18:00da boshlanadi.
