Nurobod tumanida yoshlarga yer maydoni ajratish bo‘yicha amalga oshirilayotgan ishlar o‘rganildi
O‘zbekiston Respublikasi Prezidenti Shavkat Mirziyoev tomonidan 23 fevral kuni yoshlar
bandligini ta’minlash chora-tadbirlari bo‘yicha yig‘ilish o‘tkazilib, unda aholi
bandligini ta’minlashda qishloq xo‘jaligida imkoniyatlar kengligi, oldingi yillarda
shu maqsadda 200 ming gektar paxta va g‘alla maydonlari qisqartirilib, dehqonchilik
uchun odamlarga bo‘lib berilganligi va bu yil yana 60 ming 500 gektar yer yoshlarga
ajratilishi belgilanganligini ta’kidlab, har bir yoshga maydon ajratish bo‘yicha
topshiriqlar bergan edi.
Mazkur topshiriqlar ijrosi va bu borada amalga oshirilgan ishlarni o‘rganish maqsadida
viloyat IIB boshlig‘i Rahmat Mamatov va viloyat prokurori Murodqosim Eshnazarovlar
Nurobod tumanida bo‘lishdi.
Sektor rahbarlari tumandagi ushbu ishlarga mas’ul bo‘lganlar
bilan muloqot qilib, ularning mazkur yo‘nalishda amalga oshirayotgan ishlari bo‘yicha
hisobotlarini tinglashdi va bu borada o‘zlarining tavsiya va takliflarini bildirishdi.
Muhokama qilingan masalalar yuzasidan aniq chora-tadbirlar
belgilandi.
