19 May 2023 yil
18
Pastdargʻomdagi “Metan” gaz quyish shoxobchasida chaqnash sodir boʻldi. Hodisada jarohat olganlar yoʻq.
Bugun soat 11:20 larda Samarqand viloyat IIB navbatchilik qismiga kelib tushgan xabarga koʻra, Pastdargʻom tumani Qatorterak MFYda joylashgan “Metan” gaz quyish shoxobchasida avtomashinasiga gaz quyish uchun kirgan “Gaz-53” rusumli avtomashinaning gaz balonida chaqnash sodir boʻlgan.
Hodisa oqibatida jarohatlangan yoki vafot etganlar yoʻq.
Mazkur holat yuzasidan Pastdargʻom tumani IIB tomonidan tergovga qadar tekshiruv harakatlari olib borilmoqda.