3 Феврал 2021 йил 252

Самарқандда ИИБ ходимига пора бермоқчи бўлган шахсга жиноят иши очилди

Самарқандда ИИБ ходимига пора бермоқчи бўлган яна бир фуқарога жиноят иши очилди

2021 йил 02 февраль куни Самарқанд вилояти Қўшработ тумани Бойтуп МФЙ “Солпи” қишлоғида яшовчи фуқаро А.Б. тезкор тадбирга жалб қилинган “Х” исмли шахсга олти дона “НГМК САЯНИТ-П 36 мм” номли портловчи моддаларни 1.000.000 сўмга сотаётган вақтида ИИБ ходимлари томонидан қўлга олинган.

Ҳолат юзасидан терговга қадар текшириш ҳаракатлари олиб бориш жараёнида, ушбу фуқаро унга нисбатан тўпланган ҳужжатларни ижобий ҳал қилиб бериб, жиноят иши қўзғатмаслик ҳамда уни жиноий жавобгарликка тортмаслик эвазига ИИБ ходимига 2 минг АҚШ доллари миқдоридаги пулларни пора тариқасида таклиф қилган.

ИИБ ходими фуқарога бир неча маротаба пора бериш жиноят эканлигини тушунтиришига қарамай А.Б кейинроқ пулни олиб келишини айтган.

Ҳолат юзасидан ИИБ ходими бошқарма бошлиғининг номига билдирги билан мурожаат қилган.

Билдиргига асосан 2021 йил 03 февраль куни Ўзбекистон Республикаси ИИВ ЎХБ Самарқанд вилоят бўйича бўлими ходимлари ва Қўшработ тумани прокуратураси томонидан тезкор тадбир ўтказилиб, фуқаро А.Б., ИИБ ходимининг хизмат хонасида ўзига нисбатан тўпланган ҳужжатлар бўйича ишни ижобий томонга ҳал қилиш ва жиноий жавобгарликка тортмаслик эвазига 2 минг АҚШ доллари миқдоридаги пулларни берган вақтида тадбир иштирокчилари томонидан ушланди.

Ҳолат юзасидан Ўзбекистон Республикаси Жиноят кодексининг 211-моддаси 1-қисми билан жиноят иши қўзғатилди.

Самарқанд вилояти ИИБ Ахборот хизмати

 

 

Белгиланган матнни тинглаш учун қуйидаги тугмани босинг Powered by GSpeech