Samarqand viloyati IIOda xizmat qilayotgan xotin-qizlar o"rtasida "Eng faol xodima" ko'rik tanlovi o'tkazildi
Samarqand viloyat IIOda xizmat qilayotgan xotin-qizlar oʻrtasida “Eng faol xodima” koʻrik tanlovi oʻtkazildi
“Ichki ishlar organlarida maʼnaviy-maʼrifiy ishlarni tashkil etish konsepsiyasi” talablari asosida Samarqand viloyat IIB MMI va KBTX tomonidan viloyat IIOda xizmat qilayotgan xotin-qizlar oʻrtasida “Eng faol xodima” koʻrik tanlovi hamda sportning arqon tortish, stol tennisi, shaxmat va shashka turlari boʻyicha musobaqalar boʻlib oʻtdi.
Tadbirni viloyat IIB boshligʻining oʻrinbosari polkovnik Faxriddin Raxmatov ochib berib, ishtirokchilarga omad tiladi.
Bellashuvlar qizgʻin va murosasiz kechdi.
“Eng faol xodima“ koʻrik tanlovi yakuniga koʻra, faxrli uchinchi oʻrin Nurobod tumani IIB katta inspektori leytenant Askarova Maryamga nasib etdi va u 3-darajali diplom va 1.000.000 so'm pul mukofoti bilan takdirlandi. Tanlovda munosib ishtirok etgan Kattaqoʻrgʻon shahar IIB katta inspektori mayor Axatova Zamira faxrli 2-oʻrinni egallab, 2-darajali diplom hamda 2.000.000 so'm bilan taqdirlangan boʻlsa, tanlovning mutlaq gʻolibligini Narpay tumani IIB katta inspektori leytenant Elamonova Matluba qoʻlga kiritib, 1-darajali diplom hamda 3.000.000 so'm pul mukofoti bilan taqdirlandi.
Bundan tashqari, mazkur tanlovda "Eng ibratli”, “Eng zukko”, ”Eng tashabbuskor”, “Eng maxoratli”, ”Eng ijodkor”, “Eng yosh xodima” nominatsiyalari soxibalari ham aniqlanib, rahbariyat tomonidan qimmatbaho sovgʻalar bilan taqdirlandilar.
Samarqand viloyati IIB Axborot xizmati
