Xizmat intizomiga rioya etish masalalari muhokama qilindi
Samarqand viloyati IIB boshligʻi o'rinbosari
podpolkovnik Umid Utayev tomonidan Yo'l harakati xavfsizligi xizmati tizimida
xizmat qilib kelayotgan xodimlar hamda ularning ota-onalari bilan xizmat
intizomi va qonunchilikka rioya qilish masalalariga bag'ishlangan yig‘ilish
o‘tkazildi.
Tadbir davomida har bir xodimlar xizmat intizomi va
qonunchilikka qat`iy rioya etishi, poraxo'rlik va ta'magirlikka qarshi
murosasiz bo'lishlari lozimligi xususida so‘z bordi.
Xizmatida yuqori natijalarga erishib kelayotgan bir
guruh xodimlar Boshqarma boshlig‘ining tashakkurnomasi va esdalik sovg‘alari
bilan taqdirlandi.
Shuningdek Ichki ishlar vazirligining amaldagi
buyruqlari talablariga so’zsiz rioya etish shartligi taʼkidlanib, bu bo’yicha
chora-tadbirlar belgilab olindi.
