"Muloqot psixologiyasi" mavzusida seminar-trening o‘tkazildi
Samarqand viloyati ichki ishlar boshqarmasining tarkibiy tuzilmalari va hududiy bo‘linmalarida xizmat olib borayotgan xotin-qizlarni axloqiy-ruhiy qo‘llab-quvatlash maqsadida "Muloqot psixologiyasi" mavzusida seminar-trening o‘tkazildi.
Psixologik seminar-trening mashg‘ulotida yosh xodimalarning xizmatga moslashish jarayoni, jamoadagi shaxslararo munosabatlarni ijobiy shakllantirish, jamoada vujudga kelishi mumkin bo‘lgan salbiy holatlar, xodimalar faoliyatining o‘ziga xos xususiyatlarini inobatga olgan holda ularning ruhiyatidagi o‘zgarishlar, bir so‘z bilan aytganda har qanday vaziyatda ham ruhiy barqarorlikni saqlash bo‘yicha ko‘nikmalarini oshirish maqsadida amaliy mashg‘ulotlar olib borildi.
Ichki ishlar xodimalari xizmat faoliyati davomida yoki boshqa jarayonlarda har xil holatlarga duch kelishi mumkin.
Murakkab vaziyatlardan mohirona chiqib ketish va stressni yengish borasida qo‘shimcha maslahat va tavsiyalar berildi.
