Ayol-sizga e’zoz, sizga ehtirom
Hayotimizni nazokat va latofatda tengsiz, munis va muhtarama ayollar, zebo opa-singillarimizsiz tasavvur etib bo‘larmikan?
Ko‘ngil xotirjamligi, xonadon obodligi, farzandlar kamoloti ayollarimizning saranjom-sarishtaligidan.
Ayolni bahorga, gulga qiyos qilishadi. Aslida esa uning qalbi guldan ham nozik, guldan-da malohatli.
Olamdagi jamiki xush iforlarda ayolning nafasi bor. Dunyoni go‘zallikka burkovchi sehrgar, borliqqa mehr-muhabbat ulashuvchi mehridaryo zot u.
Ayol go‘zallikdir. U quyoshnida uyaltiruvchi taftli mehr.
Tog‘larni-da dog‘da qoldiruvchi cheksiz g‘urur va bardosh. Ayol najot farishtasi. Mislsiz muhabbat va sadoqat ayol qalbida mujassam.
Muhtarama ayollar, dilbar opa-singillar, Sizlarni 8-mart xotin-qizlar kuni bilan viloyat Ichki ishlar boshqarmasi jamoasi nomidan samimiy qutlaymiz.
Xonadoningizga tinchlik, qalbingizga xotirjamlik, kasb-koringizga omad va muvaffaqiyatlar tilaymiz.
Dunyoni ayol latofati, xonadonlarimizni ona allasi baxtiyor etsin. Ayol qalbi yaxshiliklarga oshufta, mehr-muhabbatga payvasta bo‘lsin.
Rahmat Mamatov,
viloyat IIB boshlig‘i
