Samarqand viloyati IIB Axborot xizmati yil sarhisobi
Samarqand viloyati IIB Axborot xizmati o‘tgan 2023-yil davomida 6774 marotaba turli mavzudagi profilaktik ahamiyatga ega videolavhalar, maqolalar, ko‘rsatuvlar,
radio eshittirishlar orqali jinoyat va huqubuzarliklarni oldini olishga qaratilgan
materiallarni tayyorlab, aholi orasida targ‘ibot tadbirlari amalga oshirdi.
Shundan, 1212 marotaba televidenyaning
turli kanallarida profilaktik va boshqa turdagi chiqishlar, gazeta va jurnallarda
678 ta turli intervyu va maqolalar, 564 marotaba radio orqali efirlar, internet
saytlar va ijtimoiy tarmoqlarda 4320 dan ortiq materiallar joylashtirilgan.
Kundalik sodir etilayotgan og‘ir
va o‘ta og‘ir turdagi jinoyatlar, katta hajmli yoki odam o‘limiga olib kelgan yo‘l-transport
hodisalari hamda xodimlar jalb qilingan favqulodda vaziyatlar bo‘yicha profilaktik
ogohlantiruvlar, 930 ta jinoyat va hodisalar bo‘yicha tezkorlik bilan ma’lumot voqea
joyining foto yoki video tasvirlari aks etgan ma’lumotlar, xodimlarga nisbatan salbiy
munosabat shakllantirishga qaratilgan maqola yoki ijtimoiy tarmoqlarda tarqalgan
holatlarga tezkorlik bilan huquqiy munosabatlar bildirilgan. Fuqarolardan viloyat
IIBning rasmiy veb-sayti va matbuot kotibining ijtimoiy tarmoqdagi sahifasiga kelgan
267 ta savollarga o‘z vaqtida huquqiy javob va munosabatlar bildirgan.
Ko‘plab O‘zbekiston Respublikasi
IIV imidjini oshirishga qaratilgan ko‘rsatuvlar tayyorlanib telekanallar orqali
namoyish qilindi. Xususan, “Hodisa joyidan”, “Osoyishtalik yo‘lida”, “Suhbat
+”, “Xodimning bir kuni”, “Ayol xodima” kabi ko‘sartuvlar shular jumlasidandir.
O‘rta, o‘rta-maxsus va oliy ta’lim muassasalarida YHX, profilaktika, xotin-qizlar,
voyaga yetmaganlar bilan ishlash inspektorlari ishtirokida qonunchilik targ‘ibotiga
doir tadbirlar bo‘yicha 270 ta videolavhalarni tayyorlanib efirga uzatildi.
Fuqarolarning huquqiy ongini oshirishga qaratilgan 320 ta qisqa metrajli ijtimoiy
videoroliklar, viloyat IIB faoliyati bilan bog‘liq bo‘lgan O‘zbekiston Respublikasi
Prezidenti Farmonlari, Qarorlari, Vazirlar Mahkamasi qarorlari va boshqa normativ-huquqiy
hujjatlar ijrosi bo‘yicha amalga oshirilgan ishlar haqida 46 ta videolavhalar tayyorlandi.
Viloyatdagi umumiy jinoyatchilikning ahvoli, olib borilayotgan ishlar bo‘yicha matbuot
anjumani, press-tur, brifing hamda ochiq muloqotlar o‘tkazildi.
Axborot xizmati muxbiri Umida Mamadalievaning “Mulohazalarim va mushohadalarim”
nomli kitobi chop etilib, taqdimot qilindi. Samarali xizmatlari uchun Axborot
xizmati operatori Furqat Rahimov viloyat hokimligining tashakkurnomasi, viloyat
IIB boshlig‘ining esdalik qo‘l soati bilan taqdirlandi.
Tarkibida matbuot kotibi ham bo‘lgan viloyat IIB yoshlari jamoasi Andijon
viloyatida o‘tkazilgan “Zukko kitobxon” tanlovining Respublika bosqichida 3-o‘rin, Buxoro viloyatida o‘tkazilgan“Zukko kitobxon” tanlovining
mintaqaviy bosqichida 1-o‘rin, Sirdaryo viloyatida o‘tkazilgan “Ajdodlar izidan”
kitobxonlik tanlovining Respublika bosqichida 1-o‘rinni egalladi.
Samarqand viloyati IIB Axborot xizmati 2024-yilda ham jinoyatchilik va huquqbuzarliklarga
qarshi kurash, tizim xodimlarining imidjini ko‘tarish, xodimlarni aholiga yaqinlashtirish
borasida o‘z oldiga ulkan maqsadlarni qo‘ygan.
