“Dog biatloni bellashuvi” musobaqasi o‘tkazildi
Joriy yilning 1-4 may kunlari Toshkent
viloyati Chirchiq shahridagi Mudofaa vazirligining “Mutaxassis va xizmat itlarini
tayyorlash markazi”da vazirlik va idoralar, shu jumladan Mudofaa va Ichki
ishlar vazirligi, Davlat xavfsizlik xizmati, Milliy gvardiya va Bojxona qo‘mitasining
jami 9 ta jamoalari o‘rtasida idoralararo “Dog biatloni bellashuvi” musobaqasi o‘tkazildi.
Musobaqada 3 nafardan kinolog xodimlar o‘zlariga biriktirilgan xizmat
itlari bilan 3 ta yo‘nalish, ya’ni, “3200 metr masofaga yakka tartibda
yugurish”, “300 metr masofaga to‘siqlarni yengib o‘tish” va “1600 metr masofaga
estafeta yugurish” mashqlari bo‘yicha bellashdilar.
Shuningdek, musobaqaning har bir shartlari O‘zbekiston Respublikasi Mudofaa vazirligi va hakamlar hay’ati tomonidan
adolatli baholandi.
Musabaqa natijalariga ko‘ra, faxrli 1-o‘rinni Mudofaa vazirligi,
2-o‘rinni Ichki ishlar vazirligi Kinologiya xizmati
va 3-o‘rinni Ichki ishlar vazirligi Qorovul qo‘shinlari
jamoasi egallashdi.
Shaxsiy birinchilikda Ichki ishlar vazirligi jamoasi sardori Samarqand viloyati
IIB Kinologiya bo‘linmasi kinologi safdor Temirov Xasan Komil o‘g‘li faxrli o‘rinni egalladi.
Sovrinli o‘rinlarni egallagan jamoa va kinolog xodimlarga Mudofaa vazirligining
kubok va medallari topshirildi.
