Yoshlar har bir mamlakatning kelajagi va ertangi kun poydevoridir
Bugun yoshlar uchun yaratilayotgan sharoitlar ularni
o‘qish-o‘rganish, doimiy izlanish, ilm-fan, taraqqiyot cho‘qqilarini egallashga
bo‘lgan qiziqishlarini oshirmoqda.
Yoshlar taraqqiyotning buyuk kuchlaridan biridir. Ular uchun barcha
imkoniyatlar eshigi keng. Urgut tumanidagi 154-umumta’lim maktabida viloyat
3-sektor rahbari va yoshlar ishtirokida o‘tkazilayotgan tadbir doirasida bu
jihatlar o‘z ifodasini topmoqda.
Keng ko‘lamli va rang-barang tadbir kun tartibidan maxsus harbiy
texnikalar, hunarmandchilik va rasmlar ko‘rgazmasi, sport musobaqalari, kitob
taqdimoti va teatrlashtirilgan tomoshalar o‘rin olgan. Tadbir yoshlarning
ma’naviy-ma’rifiy dunyoqarashini shakllantirish, ularni kitobxonlikka, sport va
san’atga bo‘lgan qiziqiishlarini oshirishi bilan ahamiyatli bo‘lmoqda.
Dastlab yoshlar tumandagi Urgut Erkin iqtisodiy zonasida tashkil
etilgan ishlab chiqarish korxonalarida bo‘lib, bu yerdagi sharoitlar, ishlab
chiqarish jarayonlari bilan tanishdilar. Probatsiya nazoratida turgan 5
nafar shaxslarning doimiy ish bilan bandligi ta’minlandi.
Shundan so‘ng tadbir tantanavor harbiy orkestr sadolari bilan
boshlandi.
Viloyat ichki ishlar boshqarmasi boshlig‘i, 3-sektor rahbari, Rahmat
Mamatov va Urgut tuman hokimligi, sektor rahbarlari tadbir doirasida tashkil
etilgan ko‘rgazmalar bilan tanishar ekan, mavjud imkoniyatlar yoshlarning
yutuqlari, muvaffaqiyatlari bilan samara berishi lozimligini ta’kidlashdi.
Boshqarma boshlig‘i kitobsevar yoshlarga badiiy kitoblar jamlanmasini
tuhfa etdi. O‘quvchilar maktab faoliyati va bu yerda yaratilgan sharoitlar
xususida ingliz, rus tillarida gapirib berishdi.
O‘zaro muloqot chog‘ida o‘quvchilarga yurtni sevish, ilmga intilish,
ko‘ngilda vatanparvarlik tuyg‘usi ustun bo‘lishi lozimligini ta’kidladi.
5 nafar yoshlarga ID-kartalari topshirildi.
Intizor Abdusattorovaga esa O‘zbekiston Respublikasi fuqaroligini tasdiqlovchi
hujjat berildi.
Havaskor yosh rassomlarning ijodiy ishlari olqishlandi. Ijro etilgan
badiiy-musiqiy raqslar, qo‘shiqlar yig‘ilganlar qalbiga ko‘tarinkilik ulashdi.
Boshqarma boshlig‘i sportchi yoshlar bilan muloqotda muvaffaqiyat
sirlari, g‘alabaga intilish xususida o‘z tajribalari bilan o‘rtoqlashdi.
Voleybol musobaqalari do‘stlik o‘yinlariga aylandi.
Yoshlik ertangi kun uchun yangi rejalar, ilm-fan cho‘qqilarini egallash
uchun berilgan imkoniyatdir. Kelajak bunyodkorlari shunga muvofiq doimo
harakatda bo‘lmog‘i zarur.
Rahbar va yoshlar uchrashuvida Dinara Xudoynazarova ichki ishlar
yo‘nalishida tahsil olish istagi borligini bildirgan bo‘lsa, Rayhona Xursanova
tikuvchilik faoliyatini boshlashi uchun kredit ajratishda, SamDU talabasi
Ibrohim Abdumo‘minov esa to‘lov- shartnoma pulini to‘lashda amaliy yordam
berishni so‘radi.
Murojaat va takliflar ijrosi nazoratga olindi. Yoshlar bebaho xazina
ekanligi, ular aql zakovati, iqtidori bilan jahon miqiyosida yurtimiz
nufuzini dunyoga tanitishi kerakligi qayd etildi.
Tadbir doirasida talabalar ijrosidagi Abdulhamid Cho‘lpon spektakli
namoyish etildi. Bu yoshlarning jadidlar hayoti va faoliyatini o‘rganishga
bo‘lgan qiziqishlarini oshirdi.
Maxsus harbiy texnikalar va jangovar ko‘rgazmali chiqishlar
tadbirning unutilmas va yorqin lahzalarga boy bo‘lishini ta’minladi.
Samarqand viloyati IIB Axborot xizmati
