IIV Samarqand Akademik litseyi o‘quvchilari bilan yoshlarni harbiy-vatanparvarlik ruhida tarbiyalashga qaratilgan uchrashuv o‘tkazildi
Yurtimizda 2024 yilni “Yoshlar va biznesni qo‘llab-quvvatlash yili” deb
e’lon qilinishi o‘sib kelayotgan yosh avlodni chuqur bilim olishi, bor imkoniyatlardan
foydalanishi, namunali ta’lim va tarbiya olishi, bir so‘z bilan aytganda ularni
vatanparvar inson sifatida tarbiyalanishida muhim omil bo‘lmoqda.
O‘zbekiston Respublikasi Ichki ishlar vaziri o‘rinbosari general-mayor Davron
Nazarmuxamedov huzuridagi 2024-yil 19-fevral kuni o‘tkazilgan videoselektor yig‘ilishi
talablari asosida IIV Samarqand Akademik litseyi bitiruvchilari bilan uchrashuv
o‘tkazildi.
Samarqand viloyati Ichki ishlar boshqarmasi boshlig‘i tomonidan ham dastur-reja
ishlab chiqilgan bo‘lib, viloyat ta’lim dargohlarida ilm sirlarini o‘rganayotgan
yoshlarni vatanga muhabbat va yurtga sadoqat ruhida tarbiyalashga alohida e’tibor
qaratilmoqda.
Uchrashuvda boshqarma boshlig‘i o‘rinbosari podpolkovnik Umid Utaev yoshlarning
orzu-umidlari, maqsad va istaklarini tingladi. Ularning kelgusidagi rejalari bilan
qiziqib, o‘zining qimmatli maslahatlarini berdi.
Shundan so‘ng o‘quvchilar uchun viloyat ichki ishlar organlarida xizmat
qilayotgan malakali xodimlar ishtirokida o‘quv-taktik mashg‘ulotlari o‘tkazildi.
Unda Samarqand viloyati Ichki ishlar boshqarmasi Ekspert kriminalistika
markazi xodimlari tomonidan jinoyatlarning issiq izidan ochilishida kerak bo‘ladigan
maxsus detallar va vositalari namoyish etildi.
So‘ngra viloyat Ichki ishlar boshqarmasining maxsus bo‘linmalariga qarashli
jangovor texnikalar va qurol-yarog‘larni o‘quvchilar katta qiziqish bilan tomosha
qilishdi.
Bu kabi tadbirlar Samarqand viloyatining barcha shahar-tumanlarida bo‘lib
o‘tmoqda.
