IIV JXD JTSX boshlig‘i polkovnik Sh.Sh.Ibragimov boshchiligidagi ishchi guruh tomonidan Samarqand viloyatida o‘rganishlar olib borilmoqda
O‘zbekiston Respublikasi IIV JXD Jamoat tartibini saqlash xizmati boshlig‘i polkovnik
Sh.Sh.Ibragimov boshchiligidagi ishchi guruh tomonidan Samarqand viloyatining shahar
va tumanlarida jamoat tartibini saqlash, fuqarolar xavfsizligini ta’minlash, kriminogen
vaziyatni barqarorlashtirish bo‘yicha olib borilgan ishlar, jinoyat va huquqbuzarliklar
sodir etilishiga sabab bo‘layotgan omillarni birma-bir tahlil qilish maqsadida dastlab
viloyat IIB Jamoat xavfsizligi xizmati sohaviy boshqarmalari xodimlari bilan tezkor
yig‘ilish o‘tkazildi.
Unda polkovnik Sh.Sh.Ibragimov xodimlarga
xizmat davomida e’tibor qilinishi lozim bo‘lgan jihatlar, jamoat tartibini saqlashda
xalqaro tajriba va zamonaviy axborot texnologiyalaridan foydalanish lozimligini
urg‘uladi. Aholi gavjum maskanlarni kameralashtirish, 24 soat davomida kuzatuvni
tashkil etish masalasiga alohida to‘xtalib o‘tildi.
Bundan tashqari, viloyat IIB JXX JTSB Maxsus muassasalar faoliyati o‘rganilib, tegishli
taklif va tavsiyalar berildi.
Shu bilan birga, xodimlarga xizmat intizomi hamda qonunchilikka
qat’iy amal qilish, fuqarolar huquqlarini ishonchli himoya qilish lozimligini ta’kidlab
o‘tdi.
