ISTIQLOL-G‘URUR VA IFTIXORIMIZ
33 yil aslida asrlarni ortda qoldirgan tarix uchun juda
qisqa fursatlarga teng. Lekin, ana shu yillar xalqimiz uchun nechog‘lik muhim ahamiyatga
ega ekanligini bugun har birimiz yurakdan his qilamiz. Mustaqillik- erkimiz, milliy
qadriyatlarimiz, ona tilimizni berdi. Mustaqillik yillarida qo‘lga kiritilgan yutuqlarimizning
asosiy omili va mezoni sifatida xalqimizning fidokorona mehnatini alohida e’tirof
etish joiz. Bugun Vatan ravnaqi, yurt tinchligi va xalq farovonligi yo‘lida mehnat
qilish, hayotdan rozi bo‘lib yashash baxti xalqimizning dunyoqarashini, fuqarolik
faolligini tobora kuchaytirmoqda.
Mana 33 yildirki, erkinlik, ozodlik deb atalmish muqaddas
ne’mat mamlakatimizdagi har bir fuqaroning chehrasida o‘z aksini topgan. Ha, ozodlik
va farovonlikni bugunning shioriga aylantirgan xalqimizning har bir kuni ana shunday
zavqli va haroratlidir. Bugun istiqlol tufayli dunyo hamjamiyatida o‘z o‘rnini mustahkamlab
borayotgan Vatanimiz ulkan imkoniyatlar diyoriga aylandi. Mustaqillik-bu shunchaki
ash’or emas. Bu tarix solnomasiga bitilgan oddiy kun ham emas. Bu kun ajdodlarimizning
azaliy orzusi ushalgan kundir. Mustaqillik yillarida yurtimizda amalga oshirilgan
ezgu ishlar haqida so‘z borar ekan, har bir sohadagi keng islohotlar, ulkan bunyodkorlik
ishlaridan ham avval, inson manfaatlari uchun yaratilgan imkoniyatlarni aytib o‘tish
joiz. Bugun xalq hayotdan rozi bo‘lib, xursand yashamoqda. Zero, yurt istiqboli,
ravnaqi ana shunday shukuh zamirida yuksaladi.
Ozod va obod mustakil Vatan. Hayotimiz osoyishtalik, barqarorlik, kelajakka umid, tinchlik, xotirjamlik, to‘kin
sochinlik bilan o‘tmoqda. Bu vaqt mobaynida jonajon O‘zbekistonimizda har jabhada
misli ko‘rilmagan o‘zgarishlar, qurilish, bunyodkorlik va yaratuvchanlik ishlari
amalga oshirildi. Mamlakatimiz dunyoga yuz
tutdi. Bugun istiqlol tufayli jahon hamjamiyatida
o‘z o‘rnini mustahkamlab borayotgan Vatanimiz ulkan imkoniyatlar diyoriga aylandi.
Xususan, ichki ishlar organlari ham jamiyat va davlatning mustahkam tayanchi va
suyanchi sifatida qonuniylik, adolat ustuvorligini ta’minlash borasida fuqarolarimizning
ishonchini oqlay oldi. Inson qadrini ulug‘lash va uning manfaatlarini himoya qilish
zimmamizdagi ustuvor vazifa hisoblanadi. Yuksak marralar, ezgu maqsadlar sari fidokorona
xizmat qilayotgan xodimlar qasamyodiga sodiq holda kasbiga bo‘lgan mas’uliyati ortgan.
Ta’kidlash joizki, mamlakatimizda istiqlol yillarida mustaqil
taraqqiyotimizning asosiy maqsadi va mohiyatini ochib beruvchi “Inson manfaati-har
narsadan ulug‘”, Islohot islohot uchun emas, avvalo inson, uning kelajagi uchun,
“Yangi O‘zbekistonda el aziz, inson aziz” kabi tamoyillar ostida olib borilayotgan
islohotlar insonni e’zozlashga, qadr-qimmatini oshirishga uning haq-huquqlarini
himoya qilishga yo‘naltirildi. Ichki ishlar xodimlari ana shu islohotlarga daxldorlik
hissi ila aholining bugunidan mamnunligini oshirish, mavjud muammolariga qonuniy
yechim topish uchun doimo xizmatga shay.
Amalga oshirilayotgan bu kabi ishlarni ko‘rib, ko‘ngilda farahbaxsh tuyg‘ular jo‘sh uradi. Insonning
baxti, osoyishtaligi shu aziz Vatan ravnaqi, uning gullab-yashnashi bilan hamohang.
Istiqlol chin ma’noda bizga
erkinliklar, qulayliklar yaratib berdi. Har bir kunimiz, bugunimiz va ertamiz bundan-da
shiddat bilan rivojlanib taraqqiy topmoqda.
Rahmat Mamatov, viloyat
IIB boshlig‘i
