Kattaqo‘rg‘on shahar IIBda yangi ma’muriy bino foydalanishga topshirildi
Bugun viloyatimizning har bir hududida qurilish, bunyodkorlik ishlari avjida. Eski
binolar qayta ta’mirlanib, yangilari barpo etilib vohamiz chiroyi ko‘rkamlashmoqda. Kattaqo‘rg‘on shahar Ichki ishlar bo‘limi ma’muriy
binosining ochilish marosimi ham ana shunday bunyodkorliklarning samarasi bo‘ldi.
Bino tantanali ravishda foydalanishga topshirilmoqda.
Mazkur inshootning
foydalanishga topshirilishida viloyat ichki
ishlar boshqarmasi boshlig‘i, polkovnik Rahmat Mamatov shahar hokimi, keng jamoatchilik vakillari, soha xodimlari
faxriylar ishtirok etdi. Tadbir doirasida boshqarma boshlig‘i davlatimiz rahbari
tomonidan ichki ishlar sohasiga qaratilayotgan
e’tibor va uning ravnaqi yo‘lida
bosqichma- bosqich amalga oshirilayotgan ishlar xususida to‘xtalib o‘tdi.
Yurtdoshlarimiz xotirjamligi va farovonligini ta’minlashga xizmat qiluvchi mazkur
bino zamonaviy, barcha talablarga javob bera oladigan tarzda bunyod etilgani alohida
ta’kidlandi.
Rasmiy marosimdan
so‘ng ramziy tasma qirqilib, bino foydalanishga topshirildi. Mehmonlar yangi binoda
yaratilgan shart-sharoit va qulayliklar bilan tanishishdi.
Binoda jamoat xavfsizligi
bo‘limi, sport zal, xodimlarga psixologik xizmat ko‘rsatish xonasi, kutubxona, o‘quv
xonasi, ma’naviyat- ma’rifat xonasi, vatanparvarlik burchagi joy olgan. Tadbir doirasida
binoning ko‘rkam tarzda qad rostlashida hissa qo‘shgan qo‘li gul quruvchilar mehnati
e’tirof etildi.
Binodagi yaratilgan
sharoit va imkoniyatlar ham “Inson manfaatlari har narsadan ulug‘” tamoyilining
amaldagi ifodasi deyish mumkin.
Kitob yaxshi xazina.
Faqat u yig‘ilganda emas o‘qilganda. Binodagi kutubxona xodimlarning ma’anaviy-ma’rifiy
dunyoqarashini boyitishda muhim ahamiyat kasb etadi. Mazkur mo‘jaz kutubxona fondi
endilikda boyitilib boriladi.
Aytish joizki, mazkur
bino xalqimizning davlat idoralariga bo‘lgan ishonchini oshirishga xizmat qiladigan
maskanlardan biriga aylanishi shubhasiz.
Umida Mamadalieva
