YANGI YIL OSTONASIDAGI IZHORLAR
Yangi orzular, yangi rejalar va yangi umidlar bilan
2024-yilga qadam qo‘ymoqdamiz. Osmoni musaffo, zamini serhosil, turmushi farovon
yurtimizda bayramlar ko‘p. Bu bayramlarning har biri o‘zgacha. Ammo, ularning orasida
yangi yil alohida ahamiyatga ega. U hayot
davomiyligini belgilaydi, dillarga yangi orzu-umidlar va quvonch bag‘ishlaydi. Bu
bayram avvalo sarhisob bayrami. Umrning har bir sahifalari hayot zarvaraqlariga muhrlanib borar ekan, yil davomida amalga oshirilgan ishlar tahlil qilinadi,
yangi yil uchun rejalar tuziladi.
Yangi yil eshik qoqar ekan, uni a’lo kayfiyat
ila, xushchaqchaqlik bilan kutib olish lozim. Zero, yilni qanday qarshi olsangiz
har bir kuningiz ana shunday o‘tadi, deyishadi. 2024-yil ulkan baxt,
omad, unutilmas kunlarni olib kelsin.
Yangi yilda barchaga quvonch, shodlik, va muvaffaqiyatlar hamroh bo‘lsin.
Rahmat Mamatov
Viloyat Ichki ishlar
boshqarmasi boshlig‘i
