Obod yurtda baxtiyor odamlar yashaydi
Yurtimizda olib borilayotgan islohotlar inson manfaatlariga
xizmat qilish, xalq dardi bilan yashash, odamlarning og‘irini yengil qilish kabi
maqsadlarni o‘zida mujassam etgan. Bugun Yangi O‘zbekistonda har bir fuqaro baxtli yashashi kerak. Uning turmush tarzida mavjud kamchiliklar,
qiynayotgan muammolar mutasaddi rahbarlar tomonidan ijobiy hal etilishi lozim.
Viloyat Ichki ishlar boshqarmasi boshlig‘i Rahmat Mamatov
va viloyat prokurori Murodqosim Eshnazarov Paxtachi tumanida aholi roziligi yo‘lida
amalga oshirilayotgan o‘zgarishlar tumanning ijtimoiy-iqtisodiy rivojlanishi, obodlikka
yuz tutishi borasida qilinayotgan ishlar bilan tanishishdi.
Odamlarning munosib turmush kechirishi uchun zarur sharoitlarni
yaratish, salomatligi bilan bog‘liq muammolarni bartaraf etish, hududlar obodligini
ta’minlash, asosiysi yurtdoshlarimizning hayotidan roziligi hamda jamiyat va yurt
ravnaqiga daxldorligini oshirish ustuvor vazifa ekanligi ta’kidlanib, bu borada
qilinishi zarur bo‘lgan vazifalar qayd etildi.
Aytish joizki, tumanda amalga oshirilayotgan
ishlar samarasini bugun paxtachiliklar o‘z turmush-tarzida his qilishmoqda. Bunyodkorlik
va obodonchilik ishlari qizg‘in. Har sohada o‘zgarishlar. Bundan odamlarning ruhiyati tetik, kayfiyati ko‘tarinki.
