OMMAVIY AXBOROT VOSITALARI - HAQ SO‘Z TARG‘IBOTCHILARI
Matbuot va ommaviy axborot
vositalari xodimlari, jonkuyar va fidoyi kasb egalari haqiqat va adolat yo‘lida
aholiga tezkor, to‘liq axborot yetkazish, ochiqlik va shaffoflikni
ta’minlashda samarali faoliyat olib borishmoqda desam, ayni haqiqatni aytgan bo‘lamiz.
Bugun
axborot olami va media makonining imkoniyatlari keng. Yaratuvchanlik, bunyodkorlik va farovon turmush tarzimiz, olamshumul o‘zgarishlar,
amalga oshirilayotgan islohotlarni targ‘ib qilishda, davlat boshqaruvi va xalq o‘rtasidagi
o‘zaro hamkorlikni ta’minlashda matbuot va
ommaviy axborot vositalari xodimlarining hissasi beqiyos.
Mahmudxo‘ja Behbudiy “Muallim va muharrir
– millatning ikki ko‘zidir”, degan edi. Ijod ahli ham muallimlar kabi xalqqa ilm-ma’rifat,
ma’naviyat, ziyo ulashish kabi ezguliklarni targ‘ib qilishni asosiy maqsad deb bilishadi.
Ommaviy axborot vositalari xodimlarining «zamon bilan hamnafas, xalq bilan
birga» tamoyiliga muvofiq, voqea-hodisalarni, jarayonlarni xolislik, tezkorlik va
shaffoflik ila keng ommaga yetkazishlari
e’tiroflidir.
Qadrli, ommaviy axborot vositalari xodimlari!
Sizlarni 27-iyun - Matbuot va ommaviy axborot vositalari xodimlari kuni munosabati
bilan viloyat Ichki ishlar boshqarmasi jamoasi nomidan samimiy muborakbod etamiz.
O‘tkir qalamingiz, xalqchil so‘zingiz, sinchkov nigohingiz ila jamiyat ravnaqi
yo‘lida adolat va haqiqatni yozishdan charchamang.
Rahmat Mamatov
Viloyat IIB boshlig‘i, polkovnik
