28 May 2022 yil
377
Paxtachida IIB xodimlarining tashabbusi bilan “razborka” ning oldi olindi
IIB xodimlari tomonidan olingan tezkor maʼlumotga asosan, Paxtachi tumani “Qoraqoʼton” maʼdanli maydonida hudud talashib, koʼcha tili bilan aytganda “razbor” oʼtkazilishi aniqlangan.
Maʼlumotga asosan, Samarqand viloyat IIB JQB Uyushgan jinoyatchilikka qarshi kurash boʼlimi xodimlari tomonidan oʼtkazilgan tezkor tadbir davomida, Paxtachi tumani “Qoraqoʼton” maʼdanli maydonida tarkibida oltin moddasi boʼlgan toshlarni talon-toroj qilish bilan shugʼullanuvchi 2 guruh oʼrtasidagi mazkur janjalning oldi olindi.
Tezkor tadbir davomida 16 nafar shaxs qoʼlga olinib, ularga nisbatan maʼmuriy qamoq jazosi tayinlandi.
Ushbu yoʼnalishdagi ishlar davom etmoqda.
