5 Yanvar 2022 yil 273

Samarqand shahrida tungi vaqtda mashinalar ichidagi buyumlarni oʻgʻirlab ketadigan yigit profilaktika inspektori tomonidan ushlandi

Samarqand shahri boʻyicha IIO FMBga Xoʻja Axror Vali mahallasida yashovchi, fuqaro ariza bilan murojaat qilib, 2022-yil 02-yanvar kuni soat tungi 00:10larda Samarqand shahri Zargartepa mahallasida turgan “Damas” rusumli avtomashinasidan, bahosi 800.000 soʻm boʻlgan videotasvirga olish uskunasinomaʼlum shaxs tomonidan talon-toroj qilinganligini maʼlum qilgan.

Bundan tashqari, Samarqand shahri Zargartepa mahallasida yashovchi, B. ham ariza bilan murojaat qilib, shu kuni soat tungi 02:00larda uyi oldida turgan “Neksiya-2” rusumli avtomashinasidan bahosi 300.000 soʻmlik videotasvirga olish uskunasi va 50.000 soʻm miqdoridagi pullari yashirin ravishda talon-toroj qilinganligini maʼlum qilgan.

Samarqand shahri boʻyicha IIO FMB 2-son IIB profilaktika inspektori U.Sharafov tomonidan olib borilgan qidiruv ishlari davomida, ushbu jinoyatni Samarqand shahri Soʻzangaron koʻchasida yashovchi, 2000-y.t. U.O. sodir etganligini aniqlanib, gumonlanuvchidan 1 dona qora rangli videoregistrator, 1 dona metall rangli videoregistrator, 1 dona “NEOLINE” rusumli “antiradar”, bir dona “PORSCHE” yozuvli koʻzoynak, 3 dona qora rangli shnurlar, 1 dona temir lineyka, 1 dona USB, 1 dona 32 GB xotiraga ega telefon fleshkasi, 1 dona atir va 1.558.000 soʻm miqdoridagi pul mablagʻlari ashyoviy dalil sifatida hujjatlashtirib olingan.

Mazkur holat yuzasidan shahar IIO FMB huzuridagi TB tomonidan Oʻzbekiston Respublikasi Jinoyat kodeksining 169-moddasi 3-qismi bilan jinoyat ishi qoʻzgʻatilgan.

Samarqand viloyati IIB Axborot xizmati

Belgilangan matnni tinglash uchun quyidagi tugmani bosing Powered by GSpeech