15 Sentyabr 2025 yil
164
Samarqand viloyati hududi bo‘ylab o‘tkazilayotgan “Qoradori-2025” nazorat-reyd tadbirlari davomida bir qancha holatlar aniqlandi
Samarqand viloyatida mazkur tadbirlar doirasida giyohvandlik vositalari muomalasi bilan bog‘liq bir necha holatlar fosh etildi.
Sentyabr oyining o‘tgan davri mobaynida giyohvandlik vositalarini parvarishlash bilan bog‘liq 10 ta holat aniqlanib, 92 tup giyohvandlik o‘simliklari hujjatlashtirib olindi.
Shuningdek, tadbirlar davomida giyovandlik vositalarini qonunga xilof ravishda tayyorlash, olish, saqlash va o‘tkazish bilan bog‘liq 39 ta holatlar aniqlanib, 10 kilogramga yaqin giyohvandlik vositalari tegishli tartibda hujjatlashtirib olingan.
“Qoradori-2025” keng qamrovli tezkor-profilaktik tadbirlari davom etmoqda.
