Samarqand viloyati IIB shaxsiy tarkibi bilan navbatdagi “Ma’naviyat va ma’rifat” darsi bo‘lib o‘tdi
O‘z mustaqilligi, tinchligini asray olgan davlat barqaror
rivojalanadi. Tinchlik, xotirjamlik qaror topgan mamlakat gullab-yashnaydi. Vatanni
mard va jasur yigitlar himoya qiladi.
Vatanning har qarich yeri aziz va mo‘tabar. Yurtning asl
o‘g‘lonlari-Vatan himoyachilari uning sarhadlari daxlsizligini ta’minlash uchun o‘z oromidan kechib, ana shu sharafli ishga kamarbasta
ekan, ular har doim xalqimiz ardog‘ida bo‘ladilar.
Milliy armiyamiz saflarida xizmat qilayotgan askarlarni doimo e’zozlab, ularning
vatan, el-yurt tinchligi yo‘lidagi xizmatlarini sharaflaymiz.
Samarqand viloyati Ichki ishlar boshqarmasida “Yangi O‘zbekiston
armiyasi — mamlakat qudrati, yuksak g‘urur va sadoqat timsolidir!” mavzusida o‘tkazilgan Ma’naviyat va ma’rifat darsidaam
bu alohida e’tirof etildi.
Boshqarma boshlig‘i o‘rinbosarlari va shaxsiy tarkib xodimlari
ishtirokida o‘tkazilgan ma’naviyat va ma’rifat darsida mavzuga
doir ma’ruzalarda ta’kidlandiki, saodatli turmush kechirishimizda, shubhasiz Vatan himoyachilarining
o‘rni, shijoati, mardligi va jasorati beqiyos.
Qalbida yurti va xalqiga bo‘lgan sevgisi jo‘sh urgan jasur o‘g‘lonlar azmu
shijoat bilan yurt sarhadlarini himoya qilishyapti. Ming shukr, yurtimiz tinch, hayotimiz osoyishta, kunlarimiz xotirjam.
Sergaklik va hushyorlik bilan tunlari bedor tinch va dorilomon hayotimizni himoya
qilayotgan mardlar bor ekan, mamlakatimiz yanada yuksalaveradi.
Shuningdek,
viloyat IIB boshlig‘i o‘rinbosari, xavfsiz turizmni ta’minlash boshqarmasi boshlig‘i
Eldor Alqarov turizm sohasini rivojlantirishga qo‘shgan hissasi uchun “Turizm fidoyisi”
ko‘krak nishoni bilan taqdirlandi. Turizm boshqarmasi xodimi Munis Valiev esa tantanali
tarzda nafaqaga kuzatildi. Viloyat IIB jamoasi harbiy tuzilmalar hamda huquqni muhofaza
qiluvchi organlar o‘rtasida o‘tkazilgan
“Zakovat” intellektual bellashuvida faxrli
birinchi o‘rinni egallaganligi uchun rahbariyatning diplom va esdalik sovg‘alari
topshirildi.
Ma’naviyat
va ma’rifat darsi doirasida bir nafar xodimga muddatidan oldin maxsus unvon berilganligi
shaxsiy tarkibga tanishtirilib, sohadagi buyruq, farmoyishlar yetkazildi.
