Samarqand viloyati IIB: Davlat kadastrlar palatasi Oqdaryo tuman filiali xodimi qo‘lga olindi
Samarqand viloyati IIB Tezkor-qidiruv xizmati Korrupsiya va iqtisodiy jinoyatlarga
qarshi kurashish bo‘limi tomonidan Oqdaryo tumanida tezkor tadbir o‘tkazildi.
1985 yilda tug‘ilgan,
Davlat kadastrlar palatasi Samarqand viloyati boshqarmasi Oqdaryo tuman filiali
xodimi T.D. fuqarodan
u tomonidan sotib olinayotgan Oqdaryo tumani Paxtabod mahallasida joylashgan turar-joy
toifasidagi 0,30 gektar yer maydonini noturar toifaga o‘tkazish hamda kelgusida
uning nomiga kadastr hujjatlarini rasmiylashtirib berish evaziga 19.200.000
so‘m miqdoridagi pullarni talab qilib, Davlat kadastrlar
palatasi Oqdaryo tuman filiali binosidagi
o‘z xizmat xonasida 12.550.000 so‘m kimyoviy
ishlov berilgan pullarini firibgarlik yo‘li bilan qo‘lga kiritgan vaqtda ashyoviy
dalillar bilan ushlangan.
Holat yuzasidan O‘zbekiston Respubilikasi JKning tegishli moddasi bilan jinoyat
ishi qo‘zg‘atilib, tergov harakatlari olib borilmoqda.
