Samarqand viloyati IIB rahbariyati tomonidan O‘zbekiston Respublikasi IIV Akademiyasi tinglovchilari hamda ularning ota-onalari bilan amaliyot oldi uchrashuvi o‘tkazildi
Ichki ishlar
vazirligi Akademiyasi tinglovchilari Samarqand viloyati ichki ishlar organlarida
amaliyot o‘tash uchun yetib kelishdi.
Tinglovchilar bilan Samarqand viloyati IIB rahbariyati uchrashuv o‘tkazdi.
Tadbirda kursantlar va ularning ota-onalari, ichki ishlar organlari faxriylari hamda
sohaviy xizmatlari vakillari ishtirok etdi.
Tinglovchilar tezkor-qidiruv, huquqbuzarliklar profilaktikasi, tergov, ekspert-kriminalistika,
xizmat faoliyatini psixoligik ta’minlash, hamda yo‘l harakati xavfsizligini ta’minlash
faoliyatlari bo‘yicha amaliyot o‘tashadi.
Bu yerda ular tizimda uzoq yillar xizmat qilgan tajribali xodimlar murabbiyligi ostida belgilangan dasturlar asosida mashg‘ulotlar o‘taydi.
Tadbirda Samarqand viloyati Ichki ishlar boshqarmasi rahbariyati, Ichki ishlar vazirligi
ShXBB Samarqand viloyati boshqarmasi, Ichki ishlar vazirligi Akademiyasi mas’ullari hamda faxriylar kursantlarni shaxsiy
xavfsizligi, fuqarolar bilan muloqotda odob-axloq qoidalariga, xizmat intizomi va
qonunchilikka qat’iy rioya etishi borasida o‘z maslahat va tavsiyalarini berishdi.
Amaliyot davomida har xil salbiy holatlarga yo‘l qo‘ymaslik, tartib-intizom normalarini
ta’minlashda murabbiylarning hushyorligini yanada oshirish uchun ham tushuntirishlar
berib o‘tildi.
Amaliyotga biriktirilgan kursantlarni belgilangan xizmat kiyimlarida, xizmatga o‘z
vaqtida kelib-ketishi, biriktirilgan murabbiylarni shaxsan mas’ul ekanligi borasida
ham yana bir bor ogohlantirib o‘tildi.
Tadbir so‘ngida namunali kursantlar va ularning ota-onalariga Akademiyaning faxriy
yorliqlari va tashakkurnomalar viloyat IIB boshlig‘i o‘rinbosari tomonidan tantanali
ravishda topshirildi.
