Samarqand viloyati Kengashining 95-sessiyasi o‘tkazildi
Samarqand viloyati Kengashining
95-sessiyasi o‘tkazildi.
Unda viloyat IIB boshlig‘i o‘rinbosari
X.Umarov 2023-yilda viloyat hududida jamoat xavfsizligini ta’minlovchi va unda ishtirok
etuvchi sub’ektlar bilan
hamkorlikda amalga oshirilgan ishlar to‘g‘risida hisobot berdi.
Muhtaram
Prezidentimizning 2021-yilning 29-noyabr kunidagi PF-27-sonli Farmoni ijrosi yuzasidan
viloyat Ichki ishlar boshqarmasi qoshida tashkil etilgan jamoat xavfsizligini ta’minlovchi va unda ishtirok etuvchi sub’ektlardan tashkil topgan tezkor shtab hamda tadbirlarga
jalb etilgan shaxsiy tarkib tomonidan 2023-yilda 17 mln.dan ortiq fuqarolar ishtirokida jami 25
mingdan ziyod ommaviy tadbirlar o‘tkazilib, ushbu tadbirlarda namunali jamoat xavfsizligi ta’minlashga erishildi.
Xalq deputatlari viloyat Kengashining o‘tgan yig‘ilishlarida belgilangan
tegishli vazifalar (Xalq deputatlari viloyat Kengashining 2023-yil 19-avgust kunidagi
VI-89-79-7-K/23-sonli Qarori) viloyat Ichki ishlar boshqarmasi tomonidan
alohida nazoratga olinib, huquqni muhofaza qiluvchi organlar hamda tegishli hamkor
tashkilotlar bilan birgalikda ijrosi ta’minlandi.
Jumladan, (Kengash
qarorining 2,3,4,5 va 6-bandlari ijrosi)
viloyat IIB boshlig‘ining alohida farmoyishlari ishlab chiqilib, “Xavfsiz hudud”,
“Xavfsiz oila”, “Nazorat”, “Jinoyatchilikka qarshi kurashish”, “Jamoat xavfsizligi
oyligi” kabi tezkor-profilaktik tadbirlari tashkil etildi va keng qamrovli profilaktik
ishlar amalga oshirildi.
Bundan tashqari, (Kengash
qarorining 7-bandi ijrosi) viloyat Ichki ishlar boshqarmasidagi Situatsion markaziga
integratsiya qilingan, Samarqand shahrining asosiy ko‘chalariga o‘rnatilgan, 217 ta ishlamasdan turgan videokuzatuv kameralarining
oylik va yillik to‘lov manbalarini belgilash masalasi (ijrosi viloyat hokimligi, viloyat iqtisodiyot
va moliya boshqarmalari va viloyat IIBga yuklatilgan edi) O‘zbekiston Respublikasi
Prezidentining “Xavfsiz
shahar” yagona integratsiyalashgan tizimlarini takomillashtirish bo‘yicha qo‘shimcha
chora-tadbirlar to‘g‘risida”gi 2023 yil 28 sentabrdagi PQ-318-xdfu-son qaroriga
asosan, O‘zbekiston Respublikasi Ichki ishlar vazirligi qoshidagi “Xavfsiz shahar” ko‘maklashish markazi ixtiyoriga
o‘tkazilib, mazkur 217 ta videokuzatuv kameralari
bo‘yicha aloqa kanallarini tashkil etish va ijarasi, dasturiy ta’minot vositalarini
ishlab chiqish va pochta aloqa xizmatlari xarajatlarini qoplash “Xavfsiz shahar” ko‘maklashish markazi tomonidan amalga oshirilishi
belgilandi.
Shuningdek, kriminogen vaziyati eng og‘ir 65 ta mahallalarga viloyat darajasidagi, “qizil” toifadagi 273 ta mahallalarga esa tuman-shahar sektor rahbarlari va huquq-tartibot idoralari rahbarlari biriktirildi.
Xotin-qizlarning jinoyat qurboni
bo‘lishini oldini olish maqsadida tazyiq va zo‘ravonlikdan jabrlangan, 2.232 nafar (2022-y. 3.153 ta) ayollarga “Himoya order”lari
berilib, zo‘ravonlik sodir etgan shaxslar ustidan ta’sirchan nazorat o‘rnatildi.
1.126 ta mahallalarning 38,8 foizida ya’ni 437 tasida jinoyatlar sodir etilishiga yo‘l qo‘yilmadi yoki
13,6
foizi
ya’ni, 154
ta
mahallalar “Qizil”
toifadan “Sariq”
toifaga o‘tishiga
erishildi.
2023-yil davomida sodir etilgan jami 7.843 ta jinoyatlarning 4.672 tasi yoki 59,5 foizi oldini olish mumkin bo‘lgan jinoyatlarni tashkil etgan bo‘lsa, ichki ishlar organlari hamda huquqni muhofaza qiluvchi organlar bilan hamkorlikda o‘tkazilgan tadbirlar natijasida umumiy sodir etilgan jinoyatlarning 40,4 foizi ya’ni 3.171 tasi shaxsiy tashabbus bilan xodimlar tomonidan aniqlanib, jinoyatga jazo muqarrarligi ta’minlandi.
Bir so‘z bilan
aytganda, hozirda viloyatimizdagi barcha ichki ishlar organlari xodimlari Prezidentimiz
tomonidan yuritilayotgan siyosatni to‘g‘ri tushunib, xalq orasiga kirib bordi va
kelgusida ham aholining muammolari va dardi bilan hamnafas bo‘lib, xizmat vazifalarini
sadoqat bilan bajarishlarini ta’minlaymiz.
X.Umarov, viloyat IIB boshlig‘i o‘rinbosari.
