Toyloq tumanida yashovchi J.Raxmonovning ijtimoiy tarmoq orqali yoʻllagan videomurojaati yuzasidan
Toyloq tumanida yashovchi J.Raxmonovning YTH sabab vafot etgan akasini tergov ishi koʻrilmayotganidan norozi boʻlib yoʻllagan vidomurojaati yuzasidan
2021-yilning 09-noyabr kuni soat taxminan 23:20da Samarqand tumani “Chumchuqli” mahallasida yashovchi 1984-yilda tugʻilgan R.J., oʻzining boshqaruvida boʻlgan “VAZ-21063” rusumli avtomashinasini Toyloq tumani “Maʼdaniyat” mahallasi hududidan oʻtuvchi A-377 avtomobil yoʻlida mast holatda boshqarib borib, boshqaruvini yoʻqotishi natijasida, qatnov yoʻlining 4-kilometrida, yoʻlning chetki qismida toʻxtab turgan “SAMSUNG” rusumli yuk avtomashinasi(ekskavator)ni orqa qismiga urilib, yoʻl-transport hodisasi sodir qilgan.
YTH natijasida “VAZ-21063” rusumli avtomashina haydovchisi vafot etgan.
Marhumning qoni sud-kimyoviy tekshiruvidan oʻtkazilganda, qonida -2,64% etil spirti topilganligi va etil spirtining aniqlangan ushbu miqdori, uning hayotlik vaqtida kuchli darajadagi mastlik holati boʻlganligini koʻrsatgan.
Holat yuzasidan 2021-yil 10-noyabr kuni Oʻzbekiston Respublikasi JKning 266-moddasi 2-qismi bilan jinoyat ishi qoʻzgʻatilib, dastlabki tergov harakatlari olib borilib, jinoyat ishida “SAMSUNG” rusumli yuk avtomashinasi (ekskavator) haydovchisi hamda boshqa shaxslarning harakatlarida jinoyat alomatlari boʻlmaganligi sababli, Oʻzbekiston Respublikasi JPKning
83-moddasi 2-bandiga asosan harakatdan tugatilgan.
Murojaatda marhumning ukasi Raxmonov Jaxongir biror marta tergovga jalb qilinmaganligi bildirgan. Murojaatchining ushbu vaji asossiz. Fuqaro J.Raxmonov 2021-yilning 19-noyabr kuni jinoyat ishi doirasida jabrlanuvchi sifatida jalb qilinib, holat yuzasidan soʻroq qilingan.
Samarqand viloyati IIB Axborot xizmati
