«Zakovat» intellektual bellashuvi o‘tkazildi
Samarqand viloyat Ichki ishlar organlari xotin-qizlari ishtirokida «Zakovat» intellektual bellashuvi o‘tkazildi.
Bellashuvlarda 60 nafar ayol xodimalar 12 ta jamoaga bo‘lingan holda o‘zaro bilim va zukkoliklarini sinovdan o‘tkazdi.
9 ta shart bo‘yicha bo‘lib o‘tgan intellektul o‘yin savol-javob va bahs-munozaralar bilan qizg‘in kechdi. Keskin va murosasiz jarayonlarga boy bo‘lgan bellashuvda har bir jamoa g‘oliblik uchun astoydil kurash olib bordi.
“Zakovat” intellektual o‘yini yakuniga ko‘ra 1-o‘rin “To‘maris” jamoasiga, 2-o‘rin “So‘g‘diyona” jamoasiga, 3-o‘rin esa “Nodirabegim” jamoasiga nasib etdi.
O‘yinlarda munosib ishtirok etib, ko‘plab tashabbus ko‘rsatgani uchun IIV Samarqand akademik liseyining “Umid nihollari” jamoasi “Eng faol jamoa” nominatsiyasini qo‘lga kiritdi.
Gʻoliblarga diplom va kitoblar jamlanmasi tantanali ravishda topshirildi.
