«Заковат» интеллектуал беллашуви ўтказилди
Самарқанд вилоят Ички ишлар органлари хотин-қизлари иштирокида «Заковат» интеллектуал беллашуви ўтказилди.
Беллашувларда 60 нафар аёл ходималар 12 та жамоага бўлинган ҳолда ўзаро билим ва зукколикларини синовдан ўтказди.
9 та шарт бўйича бўлиб ўтган интеллектул ўйин савол-жавоб ва баҳс-мунозаралар билан қизғин кечди. Кескин ва муросасиз жараёнларга бой бўлган беллашувда ҳар бир жамоа ғолиблик учун астойдил кураш олиб борди.
“Заковат” интеллектуал ўйини якунига кўра 1-ўрин “Тўмарис” жамоасига, 2-ўрин “Сўғдиёна” жамоасига, 3-ўрин эса “Нодирабегим” жамоасига насиб этди.
Ўйинларда муносиб иштирок этиб, кўплаб ташаббус кўрсатгани учун ИИВ Самарқанд академик лисейининг “Умид ниҳоллари” жамоаси “Энг фаол жамоа” номинациясини қўлга киритди.
Ғолибларга диплом ва китоблар жамланмаси тантанали равишда топширилди.
