Zakovat intellektual musobaqasi o‘tkazildi
O‘zbekiston Yoshlar ittifoqi Samarqand viloyati kengashi tomonidan huquqni muhofaza qilish organlari va ta’lim muassasalaridagi yosh xodimlarning intellektual salohiyatini oshirish, bilim va ko‘nikmalarini yanada mustahkamlash maqsadida, joriy yilning 15-mart kuni O‘zbekiston Respublikasi Ichki ishlar vazirligi Samarqand akademik litseyida harbiy qism va muassasalardagi xodimlar o‘rtasida “Zakovat” intellektual o‘yini bo‘lib o‘tdi.
Mazkur o‘yinda Mudofaa, Favqulodda vaziyatlar, Ichki ishlar boshqarmasi va akademik litseyi, DXX chegara qo‘shinlaridan 7 ta jamoa qatnashdi.
Yakuniy natijalarga ko‘ra, faxrli 1-o‘rinni IIV Samarqand akademik litseyi jamoasi, 2-o‘rinni Samarqand viloyati Ichki ishlar boshqarmasi jamoasi va 3-o‘rinni DXX chegara qo‘shinlari jamoasi egalladi.
Faxrli o‘rinlarni egallagan jamoalar O‘zbekiston Yoshlar ittifoqi Samarqand viloyati kengashi tomonidan diplom hamda qimmatbaho sovg‘alar bilan taqdirlandi.
