JONGA DARMON -SHIFOKORLAR
Shifokorlik
inson hayoti bilan bog‘liq mas’uliyatli, shu bilan bir qatorda sharafli kasb
hisoblanadi.
Aziz, jonga darmon shifokorlar!
Sizlar dunyodagi eng ulug‘ kasb egalaridan birisiz. Gippokrat
qasamyodiga sodiq, o‘z ishingizga fidoyiligingiz va mashaqqatli mehnatingizni yuksak
qadrlaymiz.
Azaldan inson biror dardga chalinganda avvalo, siz najot farishtalaridan umid kutadi,
dardiga davo istaydi. Bor bilim va salohiyatingiz, tajribangiz, kuch-g‘ayratingizni
inson sog‘ligini ta’minlashdek mashaqqatli va mas’uliyatli ishga safarbar etishingiz
e’tirofga munosib. Siz kabi salomatlik posbonlarining kuyunchakligi
ila insonlarning hayoti asraladi, sog‘ligi mustahkamlanadi.
Qadrli, tibbiyot xodimlari!
Sizlarni Samarqand viloyat
Ichki ishlar boshqarmasi nomidan O‘zbekiston tibbiyot xodimlari kuni bilan samimiy
muborakbod etamiz. Bemorlarning darddan forig‘ bo‘lib, umr manzillarida sog‘lom
va baxtiyor hayot kechirishi sizning shifoingiz, shirin so‘zingiz, malhamingiz tufayli.
Ertangi kunga umid va ishonch uyg‘ota oladigan najot farishtalari-shifokorlar yonimizda
bor ekansiz, insonlar sog‘ va salomat yashaydi.
Chehrangizdagi samimiylik, shirin so‘z va xushmuomalalik xasta ko‘ngillarga shifo
bag‘ishlayversin. Oilaviy baxt, ko‘ngil xotirjamligi tark etmasin. Kasbingizdan
doimo e’zoz toping.
Rahmat Mamatov
Samarqand viloyat IIB boshlig‘i
