Ўзбекистон Республикаси ИИВнинг тегишли буйруғига асосан эндиликда Самарқанд вилояти ИИБ ЖХХ ЖТСБ Кинология бўлинмаси ветеринар шифокор ва ветеринар фельдешери томонидан жисмоний ва юридик шахсларга тегишли  итларни уларнинг мурожаатларига асосан вақтинча сақлаш ва ветеринария даволаш профилактика ишларини белгиланган тартибда икки томонлама шартнома асосида амалга ошириб, шартномага мувофиқ, ветеринар пуллик хизмат кўрсатиш тарифлари базавий ҳисоблаш миқдорига нисбатан белгиланиб вазирлик томонидан тасдиқланган. 

Мурожаат юзасидан даставвал жисмоний ёки юридик шахсга кўрсатилган ветеринар пуллик хизмат бўйича шартнома шартлари ва хизмат кўрсатиш тарифлари базавий ҳисоблаш миқдорига нисбатан амалга оширилиши бўйича тасдиқланган  калькуляция билан таништирилиб, пуллик хизмат кўрсатиш фақатгина вилоят ИИБнинг тегишли ҳисоб рақамига пул ўтказиш, кўчириш ёки банк  орқали тўлов орқали амалга оширилиши  тушунтирилиб, ўзаро келишув  ва розилик билан амалдаги қонунчиликда белгиланган шартлар асосида икки томонлама шартнома тузилади. 

Тузилган  шартномага асосан жисмоний  ёки юридик шахсга тегишли итнинг  паспорти кўздан кечирилиб, паспортдаги  юқумли ва юқумсиз касалликларга чалинишининг олдини олиш мақсадида эмланганлик ҳолати бўйича киритилган қайдларга  эътибор қаратилиб, эмлаш ишлари ўз вақтда амалга оширилган бўлса  даволашга киришилади. Ит ветеринария хизматига келтирилгандан  сўнг аввало итнинг умумий ҳолати текширилади. Бунда оғзи, бурни, қулоғи, панжалари ва тана аъзолари кўрикдан ўтказилиб нафас олиши, юрак уриши ҳамда  тана ҳарорати ўлчаниб,  ветеринар текшируви якунида итда касаллик ташхиси қўйилади ва шундан сўнг даволаш режаси тузилади.

Керакли ва зарурий дори-дармонлар номлари ва миқдорининг  рўйхати ит эгасига берилади ва ит эгаси иштирокида келтирилган зарурий дори воситалари итга ўтказилиб муолажаа ишлари амалга оширилади. Даволаш профилактика ишларининг давомийлиги итнинг касаллик ташхисига қараб ит эгаси билан келишилган  ҳолда белгиланади.

 Ҳурматли фуқаролар, Самарқанд вилоят ИИБ  кинология бўлинмасининг малакали ветеринар шифокор ва фельдшери томонидан жисмоний ва юридик шахсларга тегишли итларни уларнинг мурожаатларига асосан вақтинча сақлаш ва ветеринария даволаш профилактика ишларини амалга ошириш бўйича пуллик хизматлар йўлга қўйилганлигини маълум қиламиз.