Фуқароларимизга хизмат кўрсатиш шараф
Шахбоз Тошпўлатов ёшлигидан ички ишлар ходими бўлишга қизиқарди. Қизиқишлар уни шу касб эгаси бўлиш сари етаклади. Орзулар рўёбга чиқадиган палла тобора яқинлаша бошлади.
2014-йил Ўзбекистон миллий университетининг Миллий ғоя маънавият асослари ва ҳуқуқ таълими факультетини тамомлади. Ўша йили Шахбоз Тошпўлатов ички ишлар органлари сафларига қабул қилинди.
Ўтган давр мобайнида у Тойлоқ, Қўшработ туманлари Миграция ва фуқароликни расмийлаштириш гуруҳи катта мутахассиси вазифаларида хизмат олиб борди.
2022-йилдан бугунга қадар Пайариқ тумани ИИБ Миграция ва фуқароликни расмийлаштириш гуруҳи катта мутахассиси вазифасида ишлаб келмоқда.
Икки фарзанднинг отаси, капитан Шахбоз Тошпўлатов тизим ривожи учун бор куч-ғайрати билан ўз хизмат вазифасини давом эттирмоқда.
