Наврўз байрами олдидан ходимлар билан саф кўриги ўтказилди
Наврўз байрами олдидан ходимлар билан саф кўриги ўтказилди.
Самарқанд вилояти ИИБ таркибий тузилмалари ва соҳавий хизматлари иштирокида “Наврўз” умумхалқ байрамига тайёргарлик кўриш ва уни ўтказиш давомида намунали жамоат тартибини сақлаш, хизмат интизоми ва қонунчиликка риоя этиш ҳамда хизмат кийимларини кийиб юриш тартиб-қоидаларига риоя этилиши юзасидан саф кўриги ўтказилди.
Ўзбекистон Республикаси Қуролли Кучларининг кичик мутахассислар тайёрлаш марказида ўтказилган саф кўриги давомида аниқланган камчиликларни ўз вақтида бартараф этиш борасида барча соҳавий хизмат раҳбарларига топшириқлар берилиб, шахсий таркибга байрам кунлари белгиланган тартибда хизмат кийимини кийиб юриш ва белгиланган тартиб-қоидаларга амал қилиш юзасидан тавсиялар берилди.
Саф кўригини ўтказиш даврида бириктирилган раҳбар ва масъул ходимлар томонидан шахсий таркибнинг қоидаларга амал килиши, хизмат гувоҳномалари ҳамда уларнинг саф тайёргарлик даражасига алоҳида эътибор қаратилди.
Бундан ташқари, саф кўригига жалб этилган шахсий таркиб билан сафда туриш, юриш ва ҳарбийча саломлашиш қоидалари бўйича ҳам амалий ўқув машғулотлари ўтказилди.
