Самарқанд шаҳрида "Хавфсиз оила" профилактик тадбири бошланди
Самарқанд шаҳрида "Хавфсиз оила" профилактик тадбири бошланди.
Бу тадбир Самарқанд вилояти ҳокимлиги ва Самарқанд вилояти ички ишлар бошқармасининг қарори асосида ҳамкорликда олиб борилмоқда.
Мазкур профилактик тадбирлар доирасида ҳамкор ташкилотлар вакиллари, маҳаллалардаги хотин-қизлар фаоллари ва профилактика инспекторлари иштирокида семинар ўтказилди. Тадбирда вилоят ИИБ бошлиғи ўринбосари Хондамир Умаров иштирок этди.
Тадбирнинг мақсади аҳоли ўртасида оилавий муносабатларни мустаҳкамлаш, зўравонликнинг олдини олиш ва хавфсиз муҳит яратишдан иборат. Бу доирада турли профилактик тадбирлар, маърифий суҳбатлар ва амалий ёрдам кўрсатиш тадбирлари ўтказилади.
Тадбир давомида аҳоли ўртасида соғлом ва хавфсиз оилавий муносабатларни шакллантиришга қаратилган ўқув-семинарлар, тренинглар ва бошқа чора-тадбирлар ташкил этилади. Бу орқали оилалардаги можароларни бартараф этиш, оила аъзоларининг ҳуқуқ ва манфаатларини ҳимоя қилиш мақсад қилиб олинган.
