Самарқанд вилояти ИИБ оталиғидаги мактаблардан бирига китоблар совға қилинди
17 февраль куни Самарқанд вилояти ИИБ бошлиғи Самарқанд туманидаги кўп миллатли аҳоли истиқомат қиладиган "Дўстлик" МФЙ да жойлашган, ИИБ нинг соҳавий хизматларидан бирига бириктирилган, 5-сон умумтаълим мактабига ташриф буюриб, мактаб фаолияти билан танишиш жараёнида, мактаб кутубхонасини ҳам кўздан кечириб, ўқувчилар бадиий адабиётларни мутолаа қилишлари учун ИИБ томонидан 100 дона китоб совға қилинишини, шунингдек, ўқувчилар саф тортадиган майдончани таъмирлаб берилиши тўғрисида топшириқ берган эди.
19 февраль куни вилоят ИИБ бошлиғи берилган топшириқлар ижроси юзасидан яна бир-бор мазкур даргоҳга келди. Ваъда қилинган 100 дона адабиётлар кутубхона фонди учун совға қилиниб, мактаб ўқувчилари учун барпо этилаётган саф майдончасининг қурилиш ишлари кўздан кечирилди. Мактабда таълим олиш сифати ва шарт-шароитларини янада яхшилаш бўйича масъулларга топшириқлар берилди.
Самарқанд вилояти ИИБ Ахборот хизмати
