Самарқанд вилояти ички ишлар органларида “Йилнинг энг яхши мураббийи” танловининг вилоят босқичи ўтказилди
Самарқанд вилояти ички ишлар органларида “Йилнинг энг яхши мураббийи” танловининг вилоят босқичи ўтказилди. Ўзбекистон Республикаси Президентининг 2023-йил 20-январдаги “Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида»ги 10-сонли қарори ҳамда Ўзбекистон Республикаси ИИВнинг 2023-йил 10-апрел кунидаги 186-сонли буйруғига мувофиқ, ички ишлар органларида маънавий-маърифий ишлар самарадорлигини ошириш ҳамда ушбу соҳада хизмат қилиб келаётган энг яҳши мураббий ходимларни аниқлаш мақсадида ходимлар бир неча шартлар бўйича беллашишди.
Дастлаб уларнинг жисмоний тайёргарлик даражаси синовдан ўтказилиб, 100 ҳамда 3000 метр масофага югуриш, тўсинда тортиниб, ўзининг нечоғлиқ маҳоратли еканликларини яна бир бор синовдан ўтказишди.
Шунингдек, ходимлар ўзининг ақлий салоҳиятини тест синовлари ҳамда якуний суҳбат орқали яна бир бор намойиш етишди.
Танловнинг якуний натижасига кўра, 3-ўринни Самарқанд вилояти ИИБ ППХБ 3-отряди командири капитан Одилжон Нарзуллаев, 2-ўринни Қўшработ тумани ИИБ профилактика катта инспектори капитан Хасан Aширов қўлга киритган бўлса, 1-ўринни Нуробод тумани ИИБ Ҳуқуқбузарликлар профилактикаси бўлинмаси бошлиғи капитан Нозим Орипов егаллаб, танловнинг республика босқичига йўлланмани қўлга киритди.
Ғолиб ва совриндорларга Самарқанд вилояти ички ишлар бошқармасининг диплом ва есдалик совғалари тантанали равишда топширилди.
