НАФОСАТ ВА ГЎЗАЛЛИК СИЗДАН БОШЛАНАР

Кумуш қишнинг совуқ кунлари ортда қолиб, зумрад фасл кўклам кириб келди. Хотин-қизлар байрами айнан баҳорнинг илк  шодиёнаси сифатида нишонланишида ўзгача рамзий маъно бор. Гўзаллик ва нафосат, меҳру-муҳаббат рамзи, оила ва жамиятнинг кўрки бўлган аёлларимиз ҳар қанча эъзозга муносиб.

Бугун ҳар бир соҳада хотин-қизларимизнинг фаоллиги ортмоқда. Ўзбек аёлларининг фидокорлиги, истеъдоди, малакаси ҳақиқий фаолиятга айланмоқда. Аёл маънавий камолотининг етуклиги унинг меҳнатсеварлиги, касбига садоқати, сабр-қаноатининг кучлилиги, матонати билан боғлиқдир. Бу фазилатларнинг аёл қалбида ҳамоҳанглиги уларнинг миллат ва жамият кўрки эканлигини намоён этади. 

Азиз ва муҳтарама хотин-қизлар, Сизларни “8 март - Хотин-қизлар куни” байрами билан вилоят Ички ишлар бошқармаси номидан самимий муборакбод  этаман.

Доимо, хонадонингизнинг файзу-фариштаси, оқила бека, суюкли ёр, дилбандларимизнинг меҳрибон онаси бўлиб юринг.  Латофат,  бахт, шодлик ва омад ҳамроҳингиз бўлсин. Байрамингиз муборак бўлсин,  қадрли опа-сингиллар!

Раҳмат Маматов

Вилоят ИИБ бошлиғи, полковник