Ҳудудий ички ишлар органлари Ташкилий бўлинмалари ходимлари билан ўқув машғулотлари ташкил этилди
Вилоят ИИБнинг ҳудудий органларида хизмат олиб бораётган Ташкилий бўлинма бошлиқлари ва Навбатчилик қисми инспекторлари билан хизмат, жанговар ҳамда амалий машғулотлари ўтказилди.
Дастлаб саф кўриги ва саф тайёргарлиги машғулотлари олиб борилди. Ўқотар қуролни тўлиқсиз қисмларга ажратиш ва йиғиш жараёнларида ходимлар бор маҳоратларини намоён этишди.
Машғулот иштирокчилари вилоят ИИБ “Тезкор бошқарув маркази”да ҳам бўлиб, бу ерда инсоннинг юзидан таниб олувчи видеокамераларининг ишлаш жараёнлари билан танишди.
102 қисқа рақамига жавоб берадиган операторлар иштирокида маҳорат дарслари ҳам ташкил этилди.
Бу каби тадбирлар ходимларнинг соҳага бўлган қизиқишини янада ошириб, ўз хизмат вазифасига сидқидилдан ёндаши йўлида дастуруламал бўлиб хизмат қилади.